ဘ၀လမ်းပြ

ဘ၀လမ်းပြ

လောက ကို ခံစားချက် က လွှမ်းမိုး၍ လောကုတ္တရာ ကို ပညာက လွှမ်းမိုးသည်။ သတ္တ၀ါ တို့သည် ခံစားချက် သို့မဟုတ် ပညာက ပေးသော အတွေးအမြင် နှင့် ဘ၀ကို လျှောက်လှမ်း ရခြင်း ဖြစ်၏။ အတွေး နှင့် အမြင် သည်ကား ဘ၀၏ လမ်းပြ များတည်း။

အတွေး (သင်္ကပ္ပ) နှင့် အမြင် (ဒိဋ္ဌိ) သည် စေတသိက်များ ဖြစ်သဖြင့် သူ့ချည်း မရပ်တည် နိုင်။ စိတ်ကို မှီတွယ် ရသည်။ စိတ်ကို အကြီးအမှူး ထားရသည်။ စိတ်ကြီးမှူးသော အတွေးအမြင် များဟူ၍ ဆိုရသည်။

ခံစားချက် သည် အာရုံပေါ် မူတည် သဖြင့် အမျိုးမျိုး ပြောင်းလဲ နိုင်၏။ ကောင်းသော အာရုံနှင့် တွေ့သော အခါ သောမနဿ ဝေဒနာ ကိုခံစားရ၍ ပညာ အထိန်း အကွပ်မဲ့လျင် လောဘစိတ် အဖြစ် ပြောင်းလဲ သွားသည်။ ဆိုးသော အာရုံနှင့် ကြုံသော အခါ ဒေါမနဿ ဝေဒနာ ကိုခံစားရ၍ ပညာ အထိန်းအကွပ်မဲ့ လျင် ဒေါသစိတ် အဖြစ် ပြောင်းလဲ သွားသည်။ အလယ် အလတ် အာရုံနှင့် ကြုံသော အခါ ဥပေက္ခာ ဝေဒနာ ကို ခံစားရ၍ ပညာ အထိန်းအကွပ် မဲ့သော အခါ မောဟ အဖြစ် ပြောင်းလဲ သွားသည်။ ထို့ကြောင့် ခံစားချက် ကို ပညာဖြင့် မထိန်းကွပ် နိုင်လျင် လောဘ၊ ဒေါသ၊ မောဟ နှင့်ယှဉ်သော အတွေးအမြင် များသည်သာ ဘ၀ကို စိုးမိုး သွားမည် ဖြစ်၏။

လောဘ၊ ဒေါသ၊ မောဟစိတ် များနှင့် ယှဉ်သော အတွေး အမြင် များသည်ကား မှားယွင်းသော အတွေး အမြင် များသာ ဖြစ်ပေ၏။ မှားယွင်းသော အတွေး အမြင် များသည်ကား မှားယွင်းသော လမ်းပြများ ဖြစ်၏။ အလောဘ၊ အဒေါသ၊ အမောဟ စိတ် များနှင့် ယှဉ်သော အတွေး အမြင် များသည်ကား မှန်ကန်သော အတွေး အမြင်များ ဖြစ်ပေ၏။ မှန်ကန်သော အတွေး အမြင် များသည်ကား မှန်ကန်သော လမ်းပြများ ဖြစ်ပေ၏။

ရဟန္တာ ဖြစ်ပြီး ပါလျက် မျက်စိကွယ် ခဲ့ရသော စက္ခုပါလ မထေရ် ၏အတိတ် အကြောင်းကို ထိုခေတ်က ရဟန်း ရှင်လူ ပုဂ္ဂိုလ် များက သိလိုကြ၏။ ထို့ကြောင့် မြတ်စွာ ဘုရားက ဖြေဆို ရှင်းလင်းတော် မူရသည်။

အတိတ် ဘ၀ တစ်ခုက စက္ခုပါလ မထေရ် လောင်းလျာသည် မျက်စိကုသော ဆရာ ဖြစ်ခဲ့၏။ ဘ၀အတွင်း ဝေဒနာရှင် အမျိုးမျိုး နှင့် တွေ့ဆုံခဲ့ ဖူး၏။ သို့သော် ထူးခြားမှုမရှိ။ လုပ်ရိုး လုပ်စဉ် အတိုင်း ကြိုးစား ကုသ ခဲ့သည်သာ ဖြစ်၏။ ဘ၀ တစ်ထောင့် တစ်ကွေ့ ၌မူ ဝေဒနာရှင် တစ်ဦးကို တွေ့ဆုံ ခဲ့သည်။ ထိုဝေဒနာရှင်က မိမိ၏ မျက်စိ ဝေဒနာ အလျှင်း ပျောက်ကင်း ပါက ဆရာ့ကို အသက်ဆုံး တိုင် လုပ်ကျွေး ပါမည် ဟု ဆိုလာသည်။ ထိုစကားကို ကြားသော အခါ ဆေးဆရာသည် လွန်ကြူးစွာ နှစ်သက်၏။ ဤကား လောဘ တည်း။ ဆေးဆရာ သည် ဆေးကိုကား ကောင်းစွာ ကုပါ၏။ သို့သော် သူ၏ ကုသခြင်း သည်ကား လောဘနှင့် ယှဉ်သော အတွေး အမြင်နှင့် ကုသခြင်း ဖြစ်၏။ လောဘ သည် ဒေါသ၏ နီးသော အကြောင်းရင်း ဖြစ်သည်။ ထို့ကြောင့် လည်း ဝေဒနာရှင်က ရောဂါ ပျောက်ကင်း ပါလျက် အလုပ် အကျွေး မပြုလို သဖြင့် မပျောက်ကင်း ပါဟု ဆိုသော အခါ ဒေါသ ဖြစ်ရခြင်း ဖြစ်၏။ လောဘ ကို ဆရာ တင်လျှင် အလိုကျသော အခိုက်၌ ကျေနပ် ပျော်ရွှင်ရ သော်လည်း အလို မပြည့်သော အခိုက်၌ စိတ်ဆင်းရဲ ဒုက္ခ ရောက်ရ သည်ကား ဓမ္မတာတည်း။

စင်စစ် ဝေဒနာရှင်၏ စကားများ သည်ကား အာရုံများ သာတည်း။ လုပ်ကျွေးမည် ဟု ၀န်ခံခြင်းသည် ကောင်းသော အာရုံ ဖြစ်၍ မလုပ်ကျွေး နိုင်သဖြင့် မပျောက်ကင်း သေးပါဟု လိမ်ညာခြင်း သည်ကား ဆိုးသော အာရုံ ဖြစ်ချေ၏။ ဤသို့ အာရုံ ကောင်းဆိုး နှင့် ကြုံတွေ့ ရသော အခါ ပညာ ရှိသူ သည် လောဘ၊ ဒေါသ စသည် မဖြစ်အောင် သတိကို ဆောင်နိုင် သော်လည်း သတိ ကင်းလွတ်သော သူသည်ကား လောဘ ဒေါသ စသည် မဖြစ်အောင် မတတ်နိုင်။ ဖြစ်ကြရ သည် သာတည်း။

စက္ခုပါလ မထေရ် လောင်းလျာ ဆေးဆရာ သည်လည်း သတိ ကင်းလွတ် သဖြင့် ဝေဒနာရှင် ၏ လိမ်ညာ စကား အပေါ်၌ ဒေါသ ဖြစ်ရ လေသည်။ ထိုအခါ ဒေါသနှင့် ယှဉ်သော အတွေး အမြင်သည် ဖြစ်ပေါ် လာလေသည်။ ဒေါသနှင့်ယှဉ်သော အတွေး အမြင် သည်ကား လမ်းပြမှား နှင့်တူသည်။ ဤ မှားသော လမ်းပြကြောင့် ဆေးဆရာ ၏ ဘ၀သည် မှားသော လမ်း အတိုင်းလျှောက်လှမ်း ခဲ့ရပေသည်။

ဆေးဆရာ သည် မိမိ ကယ်တင်အပ် သော သနားဖွယ် ဝေဒနာရှင်အား မျက်စိကန်းစေသော ဆေးကိုလိမ်ညာ၍ ပေးလိုက် လေသည်။ ဤပြုသော အကုသိုလ် ကံ၏ အကျိုးကို ယခု ဘ၀၌ ခံစားရခြင်း ဖြစ်၏။

စင်စစ် ဘ၀ ဟူသည် ကိလေသ၊ ကမ္မနှင့် ၀ိပါက ၀ဋ္ဋ်တို့ ပေါင်းစပ် ထားသော တရားသာလျင် ဖြစ်၏။ ဘ၀နှင့် ၀ဋ္ဋ်သည် ခွဲခြား၍ မရစကောင်း။ စက္ခုပါလ မထေရ်သည် အနာဂတ် ခန္ဓာကို ဖြစ်စေတတ် သော အနုသယ ကိလေသာ ကို ဖြတ်တောက် ဖောက်ခွဲပြီး ဖြစ်သဖြင့် အနာဂတ် ပဋ္ဋိသန္ဓေ ကို ဖြစ်စေ နိုင်သော ကမ္မ ကိုလည်း မဖြစ်စေနိုင်။ အနာဂတ် ပဋ္ဋိသန္ဓေ ကိုလည်း ရတော့မည် မဟုတ်ချေ။ သို့သော် နာနာက္ခဏိက ဖြစ်သော အတိတ်ကံ ၏ အကျိူးကိုကား ရှောင်လွှဲ၍မရ။ ပေးဆပ် ရမည်သာ ဖြစ်လေသည်။

ထို့ကြောင့် လည်း စက္ခုပါလ မထေရ်သည် ရဟန္တာ ဖြစ်ပါလျက် မျက်စိ ကန်းခြင်း ဝေဒနာကို ခံစားရခြင်း ဖြစ်လေသည်။

"ဓမ္မတို့ သည် စိတ်လျှင် ရှေ့သွား ရှိကုန်၏၊ စိတ်လျှင် အကြီးအမှူး ရှိကုန်၏၊ စိတ်ဖြင့် ပြီးကုန်၏၊ ပြစ်မှား လိုသော စိတ်ဖြင့် အကယ်၍ ပြောဆိုမိ၊ ပြုလုပ်မိ၊ ကြံစည်မိ ပါက ထိုပြောဆို ပြုလုပ် ကြံစည် မှုကြောင့် လှည်းဘီးသည် ၀န်ဆောင် နွား၏ ခြေရာသို့ အစဉ် လိုက်ဘိ သကဲ့သို့ ထိုသူသို့ ဆင်းရဲသည် အစဉ်လိုက်လေ၏။"

စိတ် အကြီးအမှူး ရှိသော အတွေး အမြင် တို့သည်ကား သုံးတတ်လျှင် ဆေး ကဲ့သို့ ဖြစ်၍ မသုံးတတ် လျင်ကား သံသရာ ဆုံးတိုင် ဘေး အန္တရာယ် ကို ဖြစ်စေတတ် သော တရားများ ဖြစ်ပါသည်။

ထို့ကြောင့် လောကရှိ အာရုံ ဆိုးကောင်း များနှင့် ကြုံတွေ့ သောအခါ မမေ့ မလျော့ သော အပ္ပမာဒ တရားဖြင့် မှန်ကန်သော အတွေး အမြင် ဖြစ်အောင် ဆင်ခြင်ဥာဏ် ကို ရှေ့သွား ပြုအပ် ပါ၏။ မှန်ကန်သော အတွေး အမြင် နှင့် ယှဉ်သော ကောင်းမွန် မြင့်မြတ်သော စိတ် သည်သာ မိမိတို့ ဘ၀၏ လမ်းပြ အစစ် အမှန် ဖြစ်ပါ တော့သည်။